ثوري من الصعيد - الحلقه الاولى
تقريبا بداية شهر يناير ٢٠١١ كانت بداية امتحانات الفصل الدراسي الاول فى اعدادى هندسه المفروض اننا مشغولين بالامتحانات والمذاكره وده طبيعى
لكن انا كنت مشغول اكتر بالاحداث بتاع تونس وعمال احلم ان ده يحصل فى مصر
بصراحه مكنتش سمعت عن دعوات النزول يوم ٢٥ يناير برغم انى كنت متابع السياسه والاخبار باستمرار وكنت بصطدم بناس كتير بسبب كرهى لمبارك ونظامه والفساد والتزوير اللى عمال يحصل فى البلد
الحمد لله انتصر الشعب فى تونس وانا كمان قربت اخلص امتحانات وانا مشتاق انزل يوم 25 يناير بس بصراحه الجدول كان رخم اوى
مخلصتش امتحانات الا يوم 27 يناير كان يوم الخميس وعمال استعد واجهز واتابع فيديوهات المظاهرات علشان اكون جاهز فى مظاهرة جمعة الغضب بكره يوم 28 يناير واتفقت مع اصحابى اللى هينزلوا معايا .
عدى الخميس بصعوبه وانا عمال استنى يوم الجمعه لكن للاسف بتصل على اصحابى اول واحد قالى اخو زميلنا مات - ده زميلنا الثالت اللى كان نازل معايا -
اخوه كان اصغر منه كان عنده تقريبا 20 سنه وبصراحه مقدرتش اتأخر
روحت لزميلى وقلت انزل بعد الجمعه المظاهره لكن المشهد اللى شوفته فى بيت زميلنا حزن وبكاء وانهيار كل الاسره على اخوهم والاب بيبكى والام بتبكى والم غير عادى شايفه فى عيون الجميع من الاهل والجيران برغم انه اصيب بصداع والام فى الرأس واغماء قبلها باسبوعين وراح لاكتر من دكتور واعتقد خبر وفاته كان متوقع بالنسبه ليهم بعد الكشوفاتوالفحوصات والاشعات
ساعتها مشوفتش بس الم اسرة احمد -اخو زميلنا - عليه لكن كمان
شوفت الم اسر شهداء السويس والاسكندريه والقاهره اللى ماتوا
يوم الثلاثاء والاربعاء والخميس فى المظاهرات وقتلتهم الشرطه بدون رحمه
كان منهم طفل تقريبا 14 سنه فى السويس
خلص اليوم وانا مع صاحبى بهدى فيه واواسيه ومنزلتش المظاهره يوم الجمعه وروحت اخر النهار ورجعت له تانى بالليل
لكن صممت انزل السبت وفعلا نزلت السبت وانا رايح مكان المظاهره
ركبت فى اتوبيس فيه خليط كبير جدا اولا امين شرطه مش عارف ايه ركبه اتوبيس
ثانيا ناس زيى رايحين المظاهرات ثالثا مخبرين ،
رابعا ناس خايفه من المستقبل ومحتاره بين كرهها لظلم مبارك وبين حبها استقرار البلد
خامسا ناس شايفه ان كل ده شغل صغار وناس بتموت ع الفاضي وشايفه ان البلد من غير مبارك درب من الخيال
________________
اعطونى ارائكم فى التعليقات
اكمل احداث الاتوبيس ويوم السبت فى الحلقه القادمه
...............
بقلم / عبدالرحمن البرعصي
لكن انا كنت مشغول اكتر بالاحداث بتاع تونس وعمال احلم ان ده يحصل فى مصر
بصراحه مكنتش سمعت عن دعوات النزول يوم ٢٥ يناير برغم انى كنت متابع السياسه والاخبار باستمرار وكنت بصطدم بناس كتير بسبب كرهى لمبارك ونظامه والفساد والتزوير اللى عمال يحصل فى البلد
الحمد لله انتصر الشعب فى تونس وانا كمان قربت اخلص امتحانات وانا مشتاق انزل يوم 25 يناير بس بصراحه الجدول كان رخم اوى
مخلصتش امتحانات الا يوم 27 يناير كان يوم الخميس وعمال استعد واجهز واتابع فيديوهات المظاهرات علشان اكون جاهز فى مظاهرة جمعة الغضب بكره يوم 28 يناير واتفقت مع اصحابى اللى هينزلوا معايا .
عدى الخميس بصعوبه وانا عمال استنى يوم الجمعه لكن للاسف بتصل على اصحابى اول واحد قالى اخو زميلنا مات - ده زميلنا الثالت اللى كان نازل معايا -
اخوه كان اصغر منه كان عنده تقريبا 20 سنه وبصراحه مقدرتش اتأخر
روحت لزميلى وقلت انزل بعد الجمعه المظاهره لكن المشهد اللى شوفته فى بيت زميلنا حزن وبكاء وانهيار كل الاسره على اخوهم والاب بيبكى والام بتبكى والم غير عادى شايفه فى عيون الجميع من الاهل والجيران برغم انه اصيب بصداع والام فى الرأس واغماء قبلها باسبوعين وراح لاكتر من دكتور واعتقد خبر وفاته كان متوقع بالنسبه ليهم بعد الكشوفاتوالفحوصات والاشعات
ساعتها مشوفتش بس الم اسرة احمد -اخو زميلنا - عليه لكن كمان
شوفت الم اسر شهداء السويس والاسكندريه والقاهره اللى ماتوا
يوم الثلاثاء والاربعاء والخميس فى المظاهرات وقتلتهم الشرطه بدون رحمه
كان منهم طفل تقريبا 14 سنه فى السويس
خلص اليوم وانا مع صاحبى بهدى فيه واواسيه ومنزلتش المظاهره يوم الجمعه وروحت اخر النهار ورجعت له تانى بالليل
لكن صممت انزل السبت وفعلا نزلت السبت وانا رايح مكان المظاهره
ركبت فى اتوبيس فيه خليط كبير جدا اولا امين شرطه مش عارف ايه ركبه اتوبيس
ثانيا ناس زيى رايحين المظاهرات ثالثا مخبرين ،
رابعا ناس خايفه من المستقبل ومحتاره بين كرهها لظلم مبارك وبين حبها استقرار البلد
خامسا ناس شايفه ان كل ده شغل صغار وناس بتموت ع الفاضي وشايفه ان البلد من غير مبارك درب من الخيال
________________
اعطونى ارائكم فى التعليقات
اكمل احداث الاتوبيس ويوم السبت فى الحلقه القادمه
...............
بقلم / عبدالرحمن البرعصي
تعليقات
إرسال تعليق