ثوري من الصعيد - الحلقه الثانيه
ركبت الاتوبيس ونازل اول مظاهره ليا يوم 29 يناير 2011 ولقيت فى الاتوبيس الخليط اللى قلت عليه قبل كده امين شرطه مخبرين ، ناس نازله المظاهرة ، ناس ضد المظاهره وشايفه ان مبارك نيل مصر التانى ومن غيره تهلك ، وناس محتاره بين الاتنين .
بالطبع محدش يجرأ يتكلم الا اللى شايف كلامه مع السلطة وعنده ثقه كبيره فى نفسه وفى كلامه وبدأت الناس اللى مع مبارك تتكلم والناس اللى نازله المظاهره تشارك بكلام تمويه شويه واسئلة تحير شويه
وبالطبع المخبرين كانوا بعد 5 دقايق خدوا اللى عايزينه من اوصاف الناس دى
فى اللحظه دى كنت فى اشد الشوق ان اسمع كلام امين الشرطه بالذات انهم كانوا بدأو يدافعوا عن مبارك من بعد انتخابات مجلس الشورى فى 2007 ويتكلموا فى اى مكان موجودين فيه بره الشغل .... ولكن"" الصمت كان اسمه "" رغم كل تعبيرات وجهه اللى مكانش عاجبها اى كلام .
وقتها عرفت انهم قرروا يعبروا اعن خوفهم الحقيقى اللى كانوا كاتمينه من يومين تقريبا الخميس والجمعه وبالذات الجمعه
وصلت لكمين العبور ملاقيتش ولا كائن حي هناك ولا حتى جماد غير بوابة العبور وكل الشرطه اللى كانت موجوده هناك وبتفتش باستمرار وبتعتقل اللى راجعين من مسيرات الاخوان او حملاتهم الانتخابيه " قد ذهبت الى حيث لا رجعة "
فهمت الصمت بجد اللى كان عايش فيه امين الشرطه وتأكدت من ظنى بيه ،ونزلت المكان اللى كان فيه المظاهره ميدان المديريه ثم الزراعيين وروحنا عند الزراعيين وانا متوقع ان مفيش اى شرطه هناك بدأنا نتحرك لقسم الشرطه هناك لكن فوجئنا برجالة الشرطه مجهزين نفسهم وبدأ الغاز اللى مشوفتوش تانى بعدها لانه كان احلى غاز شميته فى حياتى
وبدأ الضرب بالخرطوش كميات غير عاديه والرصاص المطاطى اللى استشهد ساعتها ومعدناش بنشوفه فى مصر تانى وطبعا كان الرصاص الحى قايم بالدور بعدها .
اول اصابة شوفتها كانت اصابة واحد جنبى بالراصاص المطاطى كانت فى الرقبه فى زوره بعدها بدقايق استشهد ومكنتش قادر احس بالغاز ولا اى حاجه تانى بسبب المنظر وانى كنت عارف بعض الاسعافات حاولت اشارك بيها لكن قضاء ربنا كان اسرع -انا لله وانا اليه راجعون -
فوقت بعدها على قنبلة الغاز اللى دخلت فى نفس المكان اللى حاولنا نسعف فيه الراجل اللى مش عارفين اسمه ايه ولا هو منين بس كان بيهتف معانا واتقتل قدامنا بدون ما يرتكب اى جريمة الا الهتاف ""الشعب يريد اسقاط النظام ""
كنت لابس جاكت تقيل شويه حاولت اوسعه عند الرقبه لقيت الدم على رقبتى ببص لقيت بلية خرطوش اواتنين اصابوني انا كمان لكن مكانتش الاصابه خطيره اخترقت الجلد بس لان المسافه كانت بعيده شويه وكمان الجاكت كان تقيل وقلل قوتها اكتر
حاولت بايدى ان اطلع البليه وفعلا طلعت ومكانش فيهوقت اهتم بأى حاجه تانيه
فضلت الشرطه موجوده تقريبا فى بنى سويف بس لحد تقريبا الساعه 10 مساء واختفت لكن بعد شهداء واصابات وغاز وخرطوش واعتقد ان السبب كان واضح جدا انهم خلصوا كل الذخيره اللى معاهم
طبعا عربيات الشرطه كانت هدف للثوار وانتصار معنوى كبير وفى نفس الوقت كان حصن معنوى كبيرللشرطه والداخليه الشباب يولعوا فى العربيات والشرطه كل هدفها تلحق العربيه قبل ما تولع لكن ارادة الشباب كانت اقوى بكتير من قوة وبطش الشرطه وقدرنا نمتص كل ذخيرتهم ونولع فى كل عربياتهم وفجأه اختفت الشرطه بكافة اشكالها والوانها وازيائها من شارع عبدالسلام عارف
من اهم المعالم اللى كانت موجوده فى المظاهره يومها هي البلطجيه بصراحه مكانوش ظاهرين انهم بلطجية الداخليه لان ساعتها مكانش واضح التوصيف الوظيفى للبلطجيه فى وزارة الداخليه او بمعنى انه مكانش واضح ايه علاقتهم بالداخليه لكن اليوم ده وضح ليا انا حاجات كتير من مواقف شوفتها بعنيا ، هقولها ان شاء الله فى الحلقه الجايه
________
اعطوني ارائكم فى التعليقات
..
بقلم / عبدالرحمن البرعصي
بالطبع محدش يجرأ يتكلم الا اللى شايف كلامه مع السلطة وعنده ثقه كبيره فى نفسه وفى كلامه وبدأت الناس اللى مع مبارك تتكلم والناس اللى نازله المظاهره تشارك بكلام تمويه شويه واسئلة تحير شويه
وبالطبع المخبرين كانوا بعد 5 دقايق خدوا اللى عايزينه من اوصاف الناس دى
فى اللحظه دى كنت فى اشد الشوق ان اسمع كلام امين الشرطه بالذات انهم كانوا بدأو يدافعوا عن مبارك من بعد انتخابات مجلس الشورى فى 2007 ويتكلموا فى اى مكان موجودين فيه بره الشغل .... ولكن"" الصمت كان اسمه "" رغم كل تعبيرات وجهه اللى مكانش عاجبها اى كلام .
وقتها عرفت انهم قرروا يعبروا اعن خوفهم الحقيقى اللى كانوا كاتمينه من يومين تقريبا الخميس والجمعه وبالذات الجمعه
وصلت لكمين العبور ملاقيتش ولا كائن حي هناك ولا حتى جماد غير بوابة العبور وكل الشرطه اللى كانت موجوده هناك وبتفتش باستمرار وبتعتقل اللى راجعين من مسيرات الاخوان او حملاتهم الانتخابيه " قد ذهبت الى حيث لا رجعة "
فهمت الصمت بجد اللى كان عايش فيه امين الشرطه وتأكدت من ظنى بيه ،ونزلت المكان اللى كان فيه المظاهره ميدان المديريه ثم الزراعيين وروحنا عند الزراعيين وانا متوقع ان مفيش اى شرطه هناك بدأنا نتحرك لقسم الشرطه هناك لكن فوجئنا برجالة الشرطه مجهزين نفسهم وبدأ الغاز اللى مشوفتوش تانى بعدها لانه كان احلى غاز شميته فى حياتى
وبدأ الضرب بالخرطوش كميات غير عاديه والرصاص المطاطى اللى استشهد ساعتها ومعدناش بنشوفه فى مصر تانى وطبعا كان الرصاص الحى قايم بالدور بعدها .
اول اصابة شوفتها كانت اصابة واحد جنبى بالراصاص المطاطى كانت فى الرقبه فى زوره بعدها بدقايق استشهد ومكنتش قادر احس بالغاز ولا اى حاجه تانى بسبب المنظر وانى كنت عارف بعض الاسعافات حاولت اشارك بيها لكن قضاء ربنا كان اسرع -انا لله وانا اليه راجعون -
فوقت بعدها على قنبلة الغاز اللى دخلت فى نفس المكان اللى حاولنا نسعف فيه الراجل اللى مش عارفين اسمه ايه ولا هو منين بس كان بيهتف معانا واتقتل قدامنا بدون ما يرتكب اى جريمة الا الهتاف ""الشعب يريد اسقاط النظام ""
كنت لابس جاكت تقيل شويه حاولت اوسعه عند الرقبه لقيت الدم على رقبتى ببص لقيت بلية خرطوش اواتنين اصابوني انا كمان لكن مكانتش الاصابه خطيره اخترقت الجلد بس لان المسافه كانت بعيده شويه وكمان الجاكت كان تقيل وقلل قوتها اكتر
حاولت بايدى ان اطلع البليه وفعلا طلعت ومكانش فيهوقت اهتم بأى حاجه تانيه
فضلت الشرطه موجوده تقريبا فى بنى سويف بس لحد تقريبا الساعه 10 مساء واختفت لكن بعد شهداء واصابات وغاز وخرطوش واعتقد ان السبب كان واضح جدا انهم خلصوا كل الذخيره اللى معاهم
طبعا عربيات الشرطه كانت هدف للثوار وانتصار معنوى كبير وفى نفس الوقت كان حصن معنوى كبيرللشرطه والداخليه الشباب يولعوا فى العربيات والشرطه كل هدفها تلحق العربيه قبل ما تولع لكن ارادة الشباب كانت اقوى بكتير من قوة وبطش الشرطه وقدرنا نمتص كل ذخيرتهم ونولع فى كل عربياتهم وفجأه اختفت الشرطه بكافة اشكالها والوانها وازيائها من شارع عبدالسلام عارف
من اهم المعالم اللى كانت موجوده فى المظاهره يومها هي البلطجيه بصراحه مكانوش ظاهرين انهم بلطجية الداخليه لان ساعتها مكانش واضح التوصيف الوظيفى للبلطجيه فى وزارة الداخليه او بمعنى انه مكانش واضح ايه علاقتهم بالداخليه لكن اليوم ده وضح ليا انا حاجات كتير من مواقف شوفتها بعنيا ، هقولها ان شاء الله فى الحلقه الجايه
________
اعطوني ارائكم فى التعليقات
..
بقلم / عبدالرحمن البرعصي
تعليقات
إرسال تعليق