موعد وكيفية التقديم لكلية التمريض جامعة بني سويف

مقالتي النهاردة عن التقديم لـكلية التمريض جامعة بني سويف  وكمان هي نفس الكلام والاجراءات لمعهد  التمريض جامعة بني سويف 

وهصيغها علي شكل سؤال واجابة 

س : التقديم هيبدأ امتي؟ وفين  ؟ وهل لازم اروح حسب الموعد المحدد مينفعش اتأخر شوية ؟ 
ج :  التقديم هيبدأ ان شاء الله يوم الاحد 13/8/2017  ومكان تقديم الاوراق هيكون فى كلية التمريض جامعة بني سويف وحضرتك تقدر تروح يوم الاحد او تاخر شوية براحتك بس يفضل يكون فى خلال الاسبوع الاول متاخرش عن كده 
...
س : ايه الاوراق المطلوبة ؟
ج  : الاوراق المطلوبة كالتالي 
  1-  شهادة الثانوية الاصل 
  2 - شهادة الميلاد الاصل 
  3-  بطاقة الترشيح ( هتطبعها من موقع التنسيق ) 
  4 - ايصال مظروف التقديم 
  5-  استمارة 2 جند ( للذكور فقط ) 
...
س :  ايه ايصال مظروف التقديم ؟  ده  وهنجيبه ازاي ؟
 ج :  ده ايصال هتدفع قيمته وتجيب الايصال تسلمه للكلية علشان تستلم بيه مظروف التقديم 
 وده هتروح لاى مكان فيه مكنة فوري هتقوله عايز ادفع فلوس مظروف التقديم والخطوات كالتالي (موقع  جامعة بني سويف منها يدخل علي مدفوعات اخري  ومنها يختار مظروف التقديم ) 

 وده هيكون تمنه تقريبا 90 جنيه علشان تكون عامل حسابك 

س :  هل فيه مقابلة او اختبار للتقديم او شرط لقبول الورق ؟  

ج :  لا مفيش مقابلات او اختبارات المهم تكون قبلت فى التنسيق ومعاك بطاقة الترشيح  وتجيب الاوراق المطلوبة وتتوجه للكليه فى ميعاد التقديم 

س :  طيب انا لو عايز اروح الكلية اركب مواصلات ايه ؟ 
 ج : من اي مكان فى بني سويف هتركب لموقف محيي الدين  ومن الموقف هتسأل على عربيات كلية التمريض شرق النيل 
 هتركب سرفيس اجرته 1.75 جنيه  من الموقف وهتنزل قدام بوابة الجامعه الجديدة  فى الشرق هتدخل الجامعه هتمشي فى الطريق اللي جو الجامعه مسافة تقريبا من 5-10 دقائق مشي هتلاقي كلية التمريض اول كلية علي يمينك 

س :  لو انا من محافظة غير بني سويف وجايب مجموع تمريض بني سويف بس هي مش متاحة فى التوزيع الجغرافي هل ينفع اقدم تحويل ورقي ؟ 
 ج :  للاسف لا مش هينفع انت ملتزم بالتوزيع الجغرافي ( حسب كلام شؤن الطلاب )

 س : انا فى معهد تمريض او فى معهد فني صحي هل ينفع اقدم تمريض بني سويف ؟؟
ج:  ايو ينفع تقدم بس ده من خلال تنسيق المعاهد الفنيه ولو مجموعك متاح للكليه هتقبل فيه 
 مع العلم ان الكليه بتاخد من معهد فني صحي شعبة التمريض فقط 

  بقلم / عبدالرحمن البرعصي 

https://www.facebook.com/ELBAR3SI