كيفية عمل البحث لابتدائي واعدادي
ازاي اعمل البحث لابتدائي واعدادي
عايز تعرف هتعمل البحث ازاي ؟؟ .... وهنعمل كام
بحث ؟
ايه الحاجات اللي متكون منها البحث ؟؟
هبعهته ازاي؟؟ وايه الحاجات اللي تخليني انجح
في البحث؟؟
هجاوب علي كل الأسئلة واكتر من كده
النهاردة هجاوبك من كلام وزير التربيه والتعليم
بنفسه لما اتكلم عن البحث علي شكل سؤال واجابة
مين اللي لازم يعملوا البحث ؟ وهنعمل كام بحث ؟
طلاب من الصف الثالث الابتدائي ولحد الصف
الثالث الاعدادي وهيعمل بحث واحد بس وكمان ممكن خمس طلاب ينسقوا مع بعض ويعملوا
بحث واحد
ايه هو البحث اللي هنعمله؟
البحث عباره عن موضوع هنتكلم عنه الوزارة هتحدد
خمس موضوعات لكل صف دراسي والطالب هيختار أي موضوع منهم - يعني موضوع واحد بس - وهيعمل بحث ويجمع معلومات
عنه ويكتبها وينسقها ويبعتها علي موقع الوزاره عن طريق الكود بتاعه
ايه الكود ده كمان ده ؟
الكود
ده عباره عن رقم ليك زي رقم الجلوس بالظبط
كل طالب ليه رقم مختلف عن التاني هتدخل علي الموقع ده وتكتب البيانات بتاعتك اللي هي الرقم القومي او تكتب
اسمك ومحافظتك واسم المدرسة بتاعتك هيطلعلك الكود بتاعك لو عايز تجيب الكود بتاعك ادخل هنا كيفية الحصول علي كود الطالب
طيب هنجيب المعلومات اللي هنكتبها في البحث منين ؟
فيه أماكن كتير ممكن تجيب منها المعلومات اللي
هتكتبها في البحث مثلا الكتب الدراسية اللي انت استلمتها في المدرسة او ممكن تجيب
معلومات من بنك المعرفة او علي موقع وزارة
التربيه والتعليم ( من هنا بنك المعرفة ) او المكتبة الرقمية من هنا ( المكتبة الرقمية ) او تروح المدرسة بتاعتك وتستعير أي كتب
بتتكلم عن الموضوع اللي انت هتختاره وطبعا لازم تكتب اسم الكتاب او الموقع االي
انت اخدت منه معلومات البحث بتاعك
ايه مكونات البحث اللي هنقدمه ؟
البحث هيتكون من العناصر التاليه
أولا : عنوان البحث وده الغلاف اللي هتكتب عليه
اسم البحث والكود بتاع الطالب اللي عمل اللبحث خلي بالك هتكتب الكود
بتاعك او الرقم التعريفي
مش هتكتب اسمك ولو انتوا مجموعه اكتبوا الاكواد بتاعتكم تحت بعض ومتنساش اكبر
مجموعه
هيكون عددها خمس طلاب بس
ثانيا : المقدمة ودي هتتكلم فيها عن البحث بتاعك
باختصار تعمل تقديم او تعريف بالبحث بتاعك وانت ليه اختارت الموضوع ده
ودي لا تقل عن
100 كلمة يعني صفحة مثلا
ثالثا : موضوع البحث وده انت هتقسمه لعناصر وهو
المعلومات اللي انت جمعتها ورتبتها مع بعضها وعملتها زي موضوع التعبير
بالظبط ودي هتكون
عدد صفحات مثلا 10 صفحات لو الوزارة محددتش رقم غير ده
رابعا : النتائج وده هتكتب فيها تلخيص واختصار
للحاجات اللي انت فهمتها من البحث بتاعك
خامسا : المراجع وده هتكتب فيها اسم الكتب او
المراجع اللي انت اخدت منها المعلومات بتاعتك ودي مهمة جدا
طيب الأبحاث دي هتتصحح ازاي ؟؟
الأبحاث هتتوزع علي المدرسين كل بحث هيراجعه
تلات مدرسين غير مدرس الفصل
طيب ازاي اخلي البحث بتاعي ياخد اعلي درجة ؟
فيه حاجات كتير لو عملتها في البحث هتاخد عليها
درجات كويسة وهي الحاجات دي
1-
اهم
شرط يكون البحث مش متكرر يعني مش منقول من أي حد خالص ميكونش زي أي بحث تاني
2-
عناصر
البحث تكون كاملة اللي هي العنوان والمقدمة والموضوع والنتائج والمراجع
3-
صحة
الكتابة الاملائية يعني يكون كلامك كله مكتوب صح ومفيهوش أخطاء املائية
4-
اختيار
عنوان مناسب للبحث
5-
المقدمة
تكون واضحة وبسيطة ومتقلش عن 100 كلمة
6-
موضوع
البحث يكون متقسم لعناصر وعناوين وفيه مرور علي كل المواد الدراسية
7-
المعلومات
اللي هتاخدها من الكتب متكونش منقوله نقل يعني لازم تتكتب بشكل مختلف وفيه شرح
للمعلومة
8-
الملاحظات
والنتائج تكون صحيحة ومفيهاش تاليف ع الفاضي
9-
المراجع
تكون مكتوبه بشكل صحيح وتكون مراجع صحيحة
10- تتكلم عن الموضوع بتاعك من خلال كل
المواد الدراسية
وزارة التربية والتعليم نزل فيديو عن طريقة عمل البحث
لو عايزنا نساعدك في البحث ادخل علي
الصفحة دي
باحث علمي مركز الاستاذ للخدمات التعليمية
تعليقات
إرسال تعليق